Íslendingaliðið Elfsborg frá Svíþjóð er komið í deildarkeppni Evrópudeildarinnar eftir sigur á Molde frá Noregi í vítaspyrnukeppni í umspili um sæti í Evrópudeildinni í Elfsborg í kvöld.
Molde vann leikinn, 1:0, en Elfsborg vann fyrri leikinn í Noregi, 1:0. Þurfti því framlengingu og loks vítaspyrnukeppni til að útkljá málin.
Þar vann Elfsborg 4:2. Íslendingarnir Andri Fannar Baldursson og Eggert Aron Guðmundsson sátu allan tímann á varamannabekk Elfsborgar.
Molde fer í deildarkeppni Sambandsdeildarinnar.