Íslendingalið Panathinaikos er komið í Sambandsdeildina eftir að hafa slegið Lens frá Frakklandi út í seinni leik liðanna í umpsili um sæti í Sambandsdeildinni í Grikklandi í kvöld.
Lens, sem var í Meistaradeildinni í fyrra, vann fyrri leikinn 2:1 en Panathinaikos vann leik kvöldsins, 2:0.
Sverrir Ingi Ingason var í byrjunarliði Panathinaikos en hann var tekinn af velli á 79. mínútu leiksins. Hörður Björgvin Magnússon er þá fjarverandi.
Orri Steinn Óskarsson og liðsfélagar í FC Köbenhavn eru einnig komnir í Sambandsdeildina.
Köbenhavn gerði jafntefli gegn Kilmarnock, 1:1, í Skotlandi í kvöld. Köbenhavn vann fyrri leikinn á Parken, 2:0, og fer því 3:1-áfram.
Orri Steinn Óskarsson kom inn á 63. mínútu leiksins og stuttu seinna jafnaði Köbenhavn metin.
Bæði lið geta mætt Víkingum í deildarkeppni Sambandsdeildarinnar en dregið verður á morgun.