Spænski knattspyrnumaðurinn Mikel Merino verður frá keppni næstu vikurnar vegna axlarmeiðsla sem hann varð fyrir á æfingu hjá nýja liðinu sínu Arsenal.
Merino varð fyrir meiðslunum er varnarmaðurinn Gabriel datt ofan á öxlina hans í einvígi þeirra á milli.
Mikel Arteta knattspyrnustjóri Arsenal staðfesti tíðindin á blaðamannafundi í dag. Ekki er enn ljóst hve alvarleg meiðslin eru en Arteta óttast að brot sé í axlarbeini.
Arsenal greiddi Real Sociedad 31,6 milljónir punda fyrir miðjumanninn, sem spilaði alla leiki Spánar á EM í sumar er liðið varð Evrópumeistari.