Sænski knattspyrnumaðurinn Kristoffer Olsson hefur verið útskrifaður af sjúkrahúsi eftir hálfs árs veru.
Olsson var í öndunarvél í mánuð eftir að hann fékk fjölda smárra blóðtappa í bæði heilahvelin í febrúar.
„Ég var nánast dáinn í þrjár vikur. Það var ekki hægt að eiga samskipti við mig. Ég man ekki neitt,“ sagði hann við Aftonbladet.
Olsson er 29 ára gamall og var í unglingaliðum Arsenal. Hann er nú leikmaður Midtjylland í Danmörku. Olsson á að baki 47 landsleiki fyrir Svíþjóð.
Miðjumaðurinn hefur áður gefið það út að stefnan sé sett á að snúa aftur á fótboltavöllinn.