Knattspyrnumaðurinn Cristiano Ronaldo var heiðursgestur UEFA er dregið var í deildarkeppni Meistaradeildar Evrópu í Mónakó í gær.
Ronaldo er markahæsti leikmaður keppninnar frá upphafi og ræddi hann stuttlega við Aleksander Ceferin forseta UEFA á sviðinu fyrir dráttinn.
Slóveninn spurði þann portúgalska hvort það væri möguleiki á endurkomu til Evrópu og í Meistaradeildina.
„Það getur allt gerst í fótbolta. Við sjáum hvað gerist,“ svaraði Ronaldo.