Guðrún Arnardóttir, landsliðskona í knattspyrnu, og liðsfélagar hennar í Rosengård unnu enn einn sigurinn í sænsku úrvalsdeildinni í dag. Að þessu sinni vannst 3:0-sigur á Brommapojkarna á heimavelli.
Rosengård hefur unnið hvern einasta leik í sænsku deildinni til þessa, 18 talsins, og er langefst með fullt hús stiga, 54. Hammarby er í öðru sæti með 42 stig.
Guðrún lék að vanda allan leikinn í vörninni hjá Rosengård.