Albert mættur fyrir dóm: Neitar sök
Setja bókamerki
Knattspyrnumaðurinn Albert Guðmundsson er mættur fyrir dóm í Héraðsdómi Reykjavíkur þar sem aðalmeðferð í máli gegn honum fer fram í dag og á morgun.
Albert mætti fyrir dóm ásamt lögfræðingi sínum Vilhjálmi Hans Vilhjálmssyni en læknanemi á þrítugsaldri kærði hann fyrir nauðgun á síðasta ári.
Albert flaug til landsins í vikunni til að gefa skýrslu í málinu en hann spilar fyrir ítalska liðið Fiorentina. Hann hefur ekki leikið fyrir íslenska landsliðið eftir að hann var ákærður.
Málið gegn Albert var upphaflega fellt niður en ríkissaksóknari felldi ákvörðun héraðssaksóknara úr gildi og lagði fyrir embættið að höfða sakamál á hendur honum.
„Já“
Þinghald fer fram fyrir lokuðum dyrum til að verja friðhelgi brotaþola. Lögfræðingur konunnar hefur gefið út að fjölskylda hennar tengist Alberti vinaböndum frá því hún var barn.
Albert var fámáll er hann gekk inn í dómssal og lét spurningar blaðamanna sem vind um eyru þjóta.
Spurður hvort hann neitaði sök sneri Albert sér aftur á móti við og svaraði skýrt „já.“
Ákæruvaldið krefst þess að Albert verði dæmdur til refsingar og greiðslu alls sakarkostnaðar. Þá er þess einnig krafist fyrir hönd konunnar að Albert greiði henni þrjár milljónir króna í miskabætur.
Spara allt að 10 milljarða
Skráði sig á spjöld sögunnar
Þúsundir barna bíða og ráðherra svarar ekki
Þórdís boðar eitt frumvarp: Bókun 35
„Eitthvað þarf að gera strax“
Mikilvægt að horfast í augu við hrinu ofbeldis
Skrefi nær sameiningu: Óljóst með Suðurnesjabæ