Sterkur sigur Liverpool
Setja bókamerki
AC Milan tók á móti Liverpool í fyrstu umferð Meistaradeildar Evrópu í kvöld. Leikið var á San Siro leikvanginum í Mílanó og endaði leikurinn með sigri Liverpool, 3:1.
Leikurinn fór fjörlega af stað og var ekki nema þriggja mínútna gamall þegar fyrsta markið leit dagsins ljós en þar var að verki bandaríski kantmaðurinn Christian Pulisic sem skoraði með góðu skoti og AC Milan komið yfir, 1:0.
Mohamed Salah var nálægt því að jafna metin á 17. mínútu en þá fékk hann sendingu innfyrir vörn AC Milan og átti gott skot að marki en það fór í þverslána.
Á 23. mínútu jafnaði franski varnarmaðurinn Ibrahima Konaté metin fyrir Liverpool. Hann skallaði þá boltann í markið eftir góða fyrirgjöf frá Trent Alexander-Arnold.
Salah skaut aftur í slána á 30 mínútu þegar hann fylgdi eftir skoti frá Cody Gakpo. Boltinn féll þá fyrir fætur Salah sem náði góðu skoti með vinstri fæti en boltinn vildi ekki í markið.
Fyrirliði Liverpool, Virgil Van Dijk, kom liði sínu yfir á 41. mínútu þegar hann skallaði hornspyrnu Kostas Tsimikas í netið og gestirnir komnir yfir, 2:1.
Meira markvert gerðist ekki í fjörugum fyrri hálfleik og leiddi Liverpool með einu marki þegar norski dómarinn, Espen Eskas, flautaði til hálfleiks.
Ungverjinn, Dominik Szoboszlai, skoraði sitt fyrsta mark á tímabilinu á 67. mínútu þegar hann setti fyrirgjöf frá Cody Gakpo í markið og tvöfaldaði forystu Liverpool, 3:1.
Rafael Leao reyndi hvað hann gat að minnka muninn og átti skot í stöng í uppbótartíma leiksins en nær komust liðsmenn AC Milan ekki og leikurinn rann sitt skeið.
| AC Milan | 1:3 | Liverpool |
|
|---|---|---|---|
| Uppbótartími verður að lágmarki sex mínútur. | |||
Misvísandi málflutningur ráðherra í máli Yazans
„Finnst málið á alla kanta sérstakt“
Heilsuspillandi efni langt yfir mörkum
Einstæður fundur – gler frá víkingaöld
Rússar fjölga til muna í herliði sínu
80 manns við leit: Ekkert spurst til mannsins
Samskiptin virðist hafa „verið í lagi“