Amanda Andradóttir kom inn af varamannabekk hollenska meistaraliðsins Twente í 4:1 útisigri á króatíska liðinu Osijek í 2. umferð Meistaradeildar Evrópu í dag.
Amanda skoraði fjórða mark Twente fimm mínútum eftir að hún kom inná.
Twente sló Íslandsmeistara Vals út í úrslitaleik í 1. umferð keppninnar en leikar enduðu 5:0 fyrir hollenska liðinu.
Síðari leikur liðanna fer fram í Hollandi þann 26. september en sigurliðið kemst í riðlakeppnina. Það stefnir því allt í að Amanda leiki þar með liðinu í vetur.