Atlético Madrid vann dramatískan sigur á Leipzig, 2:1, í fyrstu umferð í deildarkeppni Meistaradeildar Evrópu í fótbolta í Madríd í kvöld.
Benjamin Sesko kom Leipzig yfir strax á 4. mínútu en Antoine Griezmann jafnaði á 28. mínútu. Stefndi allt í að liðin myndu skipta með sér stigunum en varnarmaðurinn José María Giménez skoraði sigurmark Atlético á lokamínútunni.
Öllu verr gekk hjá Barcelona sem heimsótti Mónakó. Fór svo að franska liðið vann heimasigur, 2:1.
Eric García hjá Barcelona fékk rautt spjald strax á 11. mínútu og Maghnes Akliouche kom Mónakó yfir fimm mínútum síðar. Undrabarnið Lamine Yamal svaraði fyrir Barcelona á 28. mínútu en Maghnes Akliouche gerði sigurmark Mónakó á 71. mínútu.
Loks vann Brest heimasigur á Sturm Graz, 2:1. Hugo Magnetti og Abdallah Sima skoruðu fyrir Brest. Edimilson Fernandes jafnaði þess á milli með sjálfsmarki.