Gautaborg vann langþráðan sigur í sænsku úrvalsdeildinni í fótbolta í kvöld er liðið lagði GAIS í grannaslag á heimavelli, 2:0. Var sigurinn sá fyrsti eftir tíu leiki í röð án sigurs.
Kolbeinn Þórðarson kom Gautaborg yfir á 36. mínútu með eina marki fyrri hálfleiks.
Mikill rígur er á milli liðanna en GAIS er í Gautaborg. Stuðningsmenn tóku því upp á því að kveikja á blysum og flugeldum, sem endaði með að dómari leiksins stöðvaði leikinn og sendi leikmenn inn í búningsklefa.
Leikurinn var stöðvaður í um klukkutíma, áður en hann var svo loks leikinn til enda.
Gautaborg er í ellefta sæti með 27 stig eftir 25 leiki.