England hafði betur gegn Finnlandi, 3:1, í 2. riðli B-deildar Þjóðadeildar Evrópu karla í knattspyrnu í dag.
Jack Grealish kom Englendingum yfir á 18. mínútu. Staðan í hálfleik 1:0, Englandi í vil.
Trent Alexander-Arnold tvöfaldaði forystu Englands með glæsilegu marki úr aukaspyrnu á 74. mínútu. Declan Rice innsiglaði síðan sigur Englendinga með marki á 84. mínútu.
Aðeins þremur mínútum síðar náði Arttu Hoskenen að minnka muninn fyrir Finnland, 3:1.
Úrslitin þýða að England situr í öðru sæti riðilsins með níu stig eftir fjóra leiki. Finnland er enn án stiga í riðlinum.