Á milli Frakklands og Ítalíu

Frakkar og Ítalir munu berjast um toppsætið í 2. riðli A-deildar Þjóðdeildar Evrópu í knattspyrnu karla. 

Sigurvegari riðilsins mun keppa um Þjóðadeildabikarinn en Ítalir eru efstir með tíu stig og Frakkar í öðru sæti með níu. Ítalía fær Frakkland í heimsókn í lokaleik riðilsins. 

Frakkland vann Belgíu, 2:1, í Belgíu í kvöld. Randal Kolo Muani skoraði bæði mörk Frakklands en á milli markanna jafnaði Lois Openda metin. 

Belgar eru í þriðja sæti með fjögur stig en Ísrael, sem tapaði 4:1 fyrir Ítalíu á Ítalíu, er neðst án stiga. 

Giovanni Di Lorenzo skoraði tvö mörk fyrir Ítalíu og Mateo Retegui og Davide Frattesi hvort markið fyrir sig. Mark Ísraels skoraði Mohammed Abu Fani.

• Blogga um frétt