Landsliðsfyrirliðinn Glódís Perla Viggósdóttir og stöllur í Bayern München fara frábærlega af stað í Meistaradeildinni en liðið vann Juventus, 2:0, í Torínó í dag.
Bayern er með sex stig á toppi riðilsins en Juventus er í öðru sæti með þrjú stig. Arsenal og Vålerenga, þar sem Sædís Rún Heiðarsdóttir leikur, eru síðan án stiga en þau mætast á eftir.
Glódís lék að vanda allan leikinn í hjarta varnar Bæjara. Linda Dallmann og Daninn Pernille Harder skoruðu mörk Bayern-liðsins.