Þjóðverjinn Thomas Tuchel var í dag ráðinn landsliðsþjálfari karlaliðs Englands í fótbolta og hefur hann störf um áramótin.
Lengi hefur ríkt rígur á milli Englands og Þýskalands í fótbolta og eru einhverjir Englendingar ósáttir með að knattspyrnusambandið hafi ráðið þýskan landsliðsþjálfara.
„Fyrirgefið að ég sé með þýskt vegabréf. Allir hafa rétt á sinni skoðun og ég skil að sumir vilja enskan þjálfara fyrir enska liðið,“ sagði Tuchel á blaðamannafundi í dag.
Hann var síðan spurður hvort hann muni syngja með þjóðsöngnum fyrir leiki.
„Sama hver ákvörðunin mín verður mun ég bera virðingu fyrir fallegum þjóðsöng,“ svaraði hann.