Lamine Yamal, mest spennandi knattspyrnumaður heims, verður með Barcelona þegar að liðið fær Sevilla í heimsókn í efstu deild Spánar annað kvöld.
Yamal var sendur heim frá spænska landsliðinu eftir að hafa meiðst gegn Danmörku fyrir viku.
Hansi Flick stjóri Börsunga staðfesti á blaðamannafundi að það væri í lagi með Yamal og þakkaði í leiðinni Luis de la Fuente, þjálfara Evrópumeistara Spánar, fyrir að senda hann snemma heim.
Þá eru fleiri gleðifréttir fyrir Börsunga en Gavi, sem sleit krossband á síðasta tímabili, verður með annað kvöld líkt og Dani Olmo og Fermín López, sem hafa verið fjarverandi.