Sjö marka leikur á Wembley

England og Þýskaland mættust í stórskemmtilegum vináttulandsleik kvenna í fótbolta á Wembley í Lundúnum í kvöld. Urðu lokatölur í sjö marka leik 4:3, Þýskalandi í vil.

Giulia Gwinn gerði tvö mörk fyrir Þýskaland og þær Klara Bühl og Sara Däbritz komust einnig á blað.

Georgia Stanway, sem leikur með Glódísi Perlu Viggósdóttur hjá þýska liðinu Bayern München, gerði tvö fyrir England og Lucy Bronze skoraði sömuleiðis.

Bæði lið hafa tryggt sér sæti á lokamóti EM í Sviss sem fram fer á næsta ári. Íslenska landsliðið hefur gert það sömuleiðis.

• Blogga um frétt