Mark frá Ísaki dugði ekki til

Knattspyrnumaðurinn Ísak Bergmann Jóhannesson skoraði í 4:3-tapi Fortuna Düsseldorf gegn Kaiserslautern á heimavelli í þýsku B-deildinni í kvöld. 

Düsseldorf er þrátt fyrir tapið á toppi deildarinnar með 20 stig eftir 10 leiki. 

Daniel Hanslik kom Kaiserslautern yfir en Ísak jafnaði metin á 35. mínútu eftir vítaspyrnu. Düsseldorf komst svo yfir í upphafi seinni hálfleiks en Daisuke Yokota, Ragnar Ache og Daniel Hanslik skoruðu þrjú mörk á 10 mínútna kafla í seinni hálfleik

Ísak lagði síðan upp síðasta mark leíksins fyrir Felix Klaus í uppbótartíma og leikurinn endaði 4:3.

Ísak lék allan leikinn en Valgeir Lunddal Friðriksson var ekki með Düsseldorf vegna meiðsla.

• Blogga um frétt