Braut sjónvarpið í búningsklefanum
Setja bókamerki
Sergio Conceicao, nýr knattspyrnustjóri AC Milan, braut sjónvarpstæki í búningsklefa liðsins þegar það lék um ítalska meistarabikarinn í Sádi-Arabíu.
Tímasetning atviksins er ekki alveg á hreinu því Zlatan Ibrahimovic, fyrrverandi leikmaður AC Milan, sagði að það hefði gerst í leikhléi úrslitaleiksins gegn Inter Mílanó í gærkvöld en ítalska blaðið Gazzetta dello Sport segir að atvikið hafi átt sér stað í leikhléinu í viðureign liðsins gegn Juventus í undanúrslitunum.
AC Milan vann báða leikina, fyrst 2:1 gegn Juventus og vann svo frækinn sigur í úrslitaleiknum gegn Inter, 3:2, eftir að hafa lent tveimur mörkum undir.
Samkvæmt Gazzetta var Conceicao svo fokillur yfir frammistöðu liðsins í fyrri hálfleik gegn Juventus að hann barði sjónvarpstækið sem brotnaði og hrundi niður á gólf búningsklefans.
Portúgalinn Conceicao tók við liðinu fyrir þessa leiki í Sádi-Arabíu en Paulo Fonseca var rekinn 30. desember.
Rafael Leao og Christian Pulisic, leikmenn AC Milan, sögðu í viðtölum eftir leikinn í gærkvöld að nýi stjórinn hefði komið með annað orkustig og áru inn í liðið fyrir leikina tvo.
Yfirlýsing frá Jóni: Hagnaðist ekki á knatthúsi
Sýnir hvað stríð er hræðilegt, ömurlegt og grimmt
„Oft hefur verið þörf en nú er nauðsyn“
Um 1.700 hafa skrifað undir
Bændur enn rólegir á Mýrum
Þorgerður Katrín í heimsókn í Úkraínu
„Ýkjukennt“ að segja viðræður „í rífandi gangi“
Aldrei verið reynt því hugmyndin þótti galin