Skrifaði undir í Madríd
Setja bókamerki
Knattspyrnukonan Ásdís Karen Halldórsdóttir skrifaði í dag undir samning við spænska félagið Madrid CFF, eftir að hafa gengist undir læknisskoðun.
Samningurinn er til hálfs þriðja árs, eða til sumarsins 2027.
Hún kemur þangað frá Lilleström í Noregi þar sem hún lék á síðasta tímabili, en fram að því á Íslandi með Val og KR. Með Lilleström lék hún 21 leik í úrvalsdeildinni og skoraði í þeim fjögur mörk.
Hún hefur af og til verið í landsliðshópi Íslands síðustu árin og lék sinn annan landsleik gegn Bandaríkjunum í október.
Madrid CFF er í níunda sæti af sextán liðum í 1. deildinni á Spáni, efstu deildinni þar í landi, þegar 14 umferðir hafa verið leiknar af 30 á yfirstandandi tímabili.
Ásdís, sem er 25 ára gömul, gæti þar með spilað sinn fyrsta leik á laugardaginn kemur þegar Madrid fær Valencia í heimsókn
Landsliðskonan Hildur Antonsdóttir leikur með Madrídarliðinu en hún kom þangað í sumar frá Fortuna Sittard í Hollandi.
Rífur upp alls konar minningar
Aðgerðir þýði mögulega tilflutning á fjármagni
Trump tekinn við sem forseti Bandaríkjanna
Hugleiðir framboð til formanns
Ganga í hús sem á að rýma á Seyðisfirði
Greiðslur virka nú eðlilega
Íbúð í Grafarvogi illa farinn eftir eldsvoða
Amma púlaði en afi var stikkfrí