Klásúla í samningi Kanes

Enski landsliðsfyrirliðinn Harry Kane er með klásúlu í samningi sínum við þýska knattspyrnustórveldið Bayern München. 

Kane, sem er 31 árs, gekk í raðir Bayern sumarið 2023 eftir að hafa verið á mála hjá Tottenham allan ferilinn. 

Hann hefur verið frábær hjá Bayern og er kominn með 70 mörk í 72 leikjum fyrir félagið. 

Bild segir að það sé klásúla í samningi Kanes sem gerir honum kleift að ræða við önnur félög ef þau eru reiðubúin að greiða 67 milljónir punda fyrir hann. 

Þetta var raunin í janúarglugganum í ár og á næsta ári verður upphæðin enn lægri eða 54 milljónir punda. 

Miðilinn segir þó Kane vera afskaplega ánægðan í Þýskalandi og hefur hann lítinn áhuga á að virkja klásúluna. Hún er þó til staðar ef eitthvað skyldi breytast. 

• Blogga um frétt