Fertugur Birkir tekur slaginn í D-deildinni

Fótboltamaðurinn Birkir Már Sævarsson mun leika með sænska D-deildarfélaginu Nacka á komandi keppnistímabili.

Það er sænski X-aðgangurinn Kanalplan 1915 sem greinir frá þessu en sami aðgangur greindi frá því í lok janúarmánaðar að Birkir væri að æfa með félaginu.

Frétt af mbl.is

Birkir ekki hættur enn

Birkir, sem er fertugur, hafði sjálfur gefið það út að tímabilið 2024 yrði hans síðasta á ferlinum en hann lék þá 25 leiki með Val í Bestu deildinni og skoraði í þeim eitt mark.

Birkir er búsettur í Svíþjóð í dag ásamt fjölskyldu sinni en tímabilið í sænsku D-deildinni hefst þann 28. mars. Nacka er frá Hammarby-svæðinu í Stokkhólmi og er nýliði í deildinni. Birkir lék með Hammarby á árunum 2015 til 2017.

„Nacka mun á morgun tilkynna um stærstu félagaskiptin í D-deildinni,“ segir í færslu Kanalplan 1915 á X.

Uppfært kl. 16.47:
Nacka hefur staðfest að Birkir Már muni leika með liðinu keppnistímabilið 2025.

• Blogga um frétt