Tjáir sig um brottreksturinn undarlega

Mart­in Ret­ov var rek­inn sem þjálf­ari karlaliðs danska knatt­spyrnu­fé­lags­ins Hor­sens í síðasta mánuði en hann tjáði sig um brottrekst­ur­inn rúm­um þrem­ur vik­um síðar. 

Ret­ov var rek­inn eft­ir að hafa stýrt liðinu í aðeins átta mánuði en í grein danska miðils­ins Tips­bla­det kom fram að fé­lagið hefði lengi sóst eft­ir starfs­kröft­um hans áður en hann var ráðinn. 

Hins veg­ar breytt­ist allt þegar nýr íþrótta­stjóri var ráðinn sam­hliða Ret­ov en það er Es­ben Han­sen. 

Hann var ekki með sömu sýn á leik­inn og Ret­ov og var þjálf­ar­inn rek­inn þrátt fyr­ir að hafa verið á þeim tíma aðeins þrem­ur stig­um frá sæti sem hefði tryggt Hor­sens upp um deild. 

Í des­em­ber á síðasta ári var aðstoðarþjálf­ari Ret­ov, Jimmy Brinks­by, óvænt rek­inn. Ret­ov seg­ist ekki hafa átt neinn þátt í því og fór þá að gruna að hann ætti senni­lega ekki mik­inn tíma eft­ir hjá fé­lag­inu. 

Ret­ov fannst þessi vinnu­brögð ófag­mann­leg.

„Ég er mjög von­svik­inn með þetta allt. Ég hafði mikla trú á verk­efn­inu og fannst við vera á leiðinni upp. Hins veg­ar virði ég ákvörðun fé­lags­ins og er ekki leng­ur þjálf­ari,“ sagði Ret­ov meðal ann­ars við Tips­bla­det. 

• Blogga um frétt