Ancelotti á leið í fangelsi?

Car­lo Ancelotti, þjálf­ari Real Madrid, fer fyr­ir dóm í Madrid í næstu viku vegna meintra skattsvika. Svik­in eru sögð nema rétt rúmri einni millj­ón evra og fer ákæru­valdið fram á fjög­urra ára og níu mánaða fang­elsis­vist­ar. Auk þess er kraf­ist að Ancelotti greiði þrjár millj­ón­ir evra í sekt.

Ancelotti er sakaður um að hafa vís­vit­andi sleppt því að greiða hluta skatta sinna árin 2014 og 2015. Hann hef­ur þó end­ur­greitt það sem hann skuldaði með vöxt­um og öðrum gjöld­um. Í heild­ina hef­ur Ítal­inn end­ur­greitt rúm­lega 1,2 millj­ón­ir evra, þar af 200 þúsund evr­ur í vexti og önn­ur gjöld.

Málið snýst um greiðslur er varðar ímynd­ar­rétt Ancelotti. Ákæru­valdið seg­ist vera með sann­an­ir fyr­ir því að hann hafi vís­vit­andi falið þess­ar greiðslur og þannig kom­ist hjá því að borga skatt af þeim.

Hann er sakaður um að hafa falið þess­ar greiðslur í gegn­um skúffu­fé­lög og sett þær á banka­reikn­inga í skatta­skjól­um. Með þess­um hætti birt­ust greiðslurn­ar ekki á skatt­skýrsl­um þjálf­ar­ans fyr­ir árin 2014 og 2015.

Rétt­ar­höld­in hefjast á miðviku­dag og gæti niðurstaða dóms­ins orðið sögu­leg í bar­áttu spænskra yf­ir­valda gegn skattsvik­um og und­an­skot­um. Þá gæti þetta mál breytt því að stór­um hluta hvernig fót­bolta­menn og þjálf­ar­ar haga fjár­hags­mál­um sín­um.

• Blogga um frétt