ÍSÍ viðurkennir krikket

Íþrótta- og Ólymp­íu­sam­band Íslands, ÍSÍ, samþykkti á fundi sín­um á dög­un­um að krikk­et væri viður­kennd íþrótta­grein hér á landi. Slík viður­kenn­ing er nauðsyn­leg til þess að þau tvö krikk­et­fé­lög sem eru starf­andi hér á landi geti fengið aðild að héraðssam­bönd­um eða íþrótta­banda­lög­um. Um leið og svo er opn­ast mögu­leiki á að stofna krikk­et­sam­band inn­an ÍSÍ. Tvö fé­lög leggja stund á krikk­et, Kylf­an í Reykja­vík og Glaum­ur í Stykk­is­hólmi. Alls stunda um 40 manns þessa grein og að sögn Stef­áns Páls­son­ar, eins for­víg­is­manna Kylf­unn­ar, er áhug­inn vax­andi.

Stefán seg­ir enn­frem­ur að ís­lensk­ir krikk­et­menn hafi fengið afar já­kvæðar mótt­tök­ur hjá Evr­ópska krikk­et­sam­band­inu sem sé mjög í mun að auka út­breiðslu íþrótt­ar­inn­ar. Hafi sam­bandið m.a. sent út­búnað til þess að stunda íþrótt­ina hér, s.s. kylf­ur og bolta og einnig boðist til þess að senda leiðbein­end­ur. Þá sé framund­an fyrsti "lands­leik­ur­inn" í krikk­et þegar lið frá Oxford kem­ur hingað til lands snemma í sept­em­ber til kapp­leiks.