Björn Margeirsson úr Breiðabliki kom fyrstur á mark í 88. Víðavangshlaupi ÍR sem nú stendur yfir í miðborg Reykjavíkur. Martha Ernstdóttir ÍR varð fyrst í kvennaflokki en um 300 manns tóku þátt í hlaupinu.
Björn rann skeiðið á 15:43 mínútum, en í öðru sæti í hlaupinu varð Burkni Helgason ÍR á 15:49 og þriðji Ólafur Árnason skíðagöngumaður á Ísafirði, sem keppir fyrir HSV, á 16:05 mínútum. Er þetta í fyrsta sinn sem Björn vinnur hlaupið en bróðir hans Sveinn hefur unnið það undanfarin ár.
ÍR átti fyrstu þrjár konur á mark því næst Mörthu, sem hljóp á 16:59 mín., varð Gerður Rún Guðlaugsdóttir á 17:42 mínútum og þriðja Fríða Rún Þórðardóttir á 18:23 mín.
Alls luku 237 keppendur hlaupinu en vegalengdin var 5 kílómetrar og var hlaupið umhverfis Reykjavíkurtjörn og í Hljómskálagarði. Röðin keppenda á mark og tímar þeirra urðu sem hér segir: