Ásakanir harðna á hendur Marion Jones

Bandaríska hlaupakonan Marion Jones sprautaði sjálfa sig í fótlegginn með vaxtaaukandi hormónum auk þess sem hún neytti annarra ólöglegra lyfja fyrir Ólympíuleikana í Sydney árið 2000, samkvæmt upplýsingum manns sem kveðst hafa útvegað henni lyfin. Lögmaður Jones neitar því að hún hafi neytt ólöglega lyfja en Jones vann til fimm verðlauna á leikunum. Þetta kemur fram fréttavef CNN.

Victor Conte, sem er stofnandi lyfjafyrirtækisins BALCO, segir þetta í viðtali sem sjónvarpað verður í Bandríkjunum í dag. Þá segist hann hafa farið að útvega Jones lyf sem innihéldu THG, EPO og insulín nokkrum vikum fyrir Ólympíuleikana og að hann hafi sjálfur séð hana sprauta sig með hormónum í fótlegginn.

Jones, sem hefur aldrei fallið á lyfjaprófi, hefur gengist undir lygapróf vegna ásakana Conte og staðist það.