María Björg hætti við að hætta

María Björg Ágústs­dótt­ir, markvörður knatt­spyrnuliðs Vals og fyrr­um landsliðsmarkvörður, mun leika áfram með Íslands­meist­ur­un­um á kom­andi leiktíð, en um tíma var út­lit fyr­ir að hún myndi leggja hansk­ana á hill­una. María hef­ur ekk­ert leikið með Val það sem af er und­ir­bún­ings­tíma­bil­inu.

„Hún tók sér sinn tíma í að skoða sína mál og finna löng­un­ina aft­ur,“ sagði Freyr Al­ex­and­ers­son, þjálf­ari Vals, í sam­tali við Morg­un­blaðið í gær, en María, sem er aðeins 27 ára, var einn af lyk­il­leik­mönn­um Vals á síðustu leiktíð.

„Hún er búin að vera er­lend­is síðustu tvær vik­ur en er nú kom­in aft­ur og ætl­ar að vera með okk­ur alla vega út þetta keppnis­ár. Hún er búin að liggja und­ir feldi en við höf­um verið í góðu sam­bandi all­an tím­ann og hún hóf svo æf­ing­ar aft­ur á þriðju­dag­inn,“ bætti Freyr við og þver­tók fyr­ir að hafa verið far­inn að leita að nýj­um markverði enda Vals­menn síður en svo á flæðiskeri stadd­ir í þeim efn­um.

sindr­is@mbl.is