Listhlaupið laðaði flesta að

List­hlaupið laðaði flesta er­lenda gesti Reykja­vík­ur­leik­anna til lands­ins af öll­um íþrótta­grein­um. Alls voru þeir um 120 tals­ins. Er­lendu gest­irn­ir voru mjög ánægðir með mótið og aðstöðuna í Skauta­höll­inni í Laug­ar­dal.
 
Sig­ur­veg­ar­ar móts­ins í list­hlaupi á skaut­um með flest stig voru systkin­in Peter Reit­mayer með og Iv­ana Reit­mayerova frá Slóvakíu.  Iv­ana kepp­ir í Sen­or flokki og Peter í Juni­or flokki.  Þau hafa æft á Íslandi í vet­ur, en móðir þeirra er þjálf­ari list­hlaupa­deild­ar Skauta­fé­lags Ak­ur­eyr­ar. 

Sex ís­lensk­ar stúlk­ur unnu til verðlauna í list­hlaup­inu í dag. Í flokkn­um Novice ladies varð Agnes Dís Brynj­ars­dótt­ir úr Birn­in­um í öðru sæti og Heiðbjört Arney Hösk­ulds­dótt­ir úr Skauta­fé­lagi Reykja­vík­ur í þriðja sæti. Í Juni­or B ladies sigraði Guðbjörg Gutt­orms­dótt­ir úr Skauta­fé­lagi Reykja­vík­ur og Novice B ladies sigraði Hrafn­hild­ur Lára Hildu­dótt­ir úr Skauta­fé­lagi Ak­ur­eyr­ar. Þá varð Bryn­hild­ur Dóra Borg­ars­dótt­ir í 2.sæti og Hekla Hall­gríms­dótt­ir í 3.sæti í flokkn­um Novice B ladies en þær koma báðar úr Skauta­fé­lag­inu Birn­in­um.

Í gær náði Guðrún Elísa­bet Björg­vins­dótt­ir úr Birn­in­um öðru sæti í flokki 10 ára og yngri A sem er frá­bær ár­ang­ur, en fjór­ar er­lend­ar stúlk­ur kepptu í flokkn­um. Krist­ín Val­dís Örn­ólfs­dótt­ir varð í 3.sæti í keppni 12 ára og yngri A en það var fjöl­menn­asti flokk­ur­inn á mót­inu með 19 kepp­end­ur.

Úrslit list­hlaups á skaut­um

• Blogga um frétt