Alþjóðafrjálsíþróttasambandið tilkynnti rétt í þessu að kæru vegna Anítu Hinriksdóttur í undanriðli 800 metra hlaups kvenna á heimsmeistaramótinu í Sopot í Póllandi hefði verið hafnað.

Aníta steig á línu snemma í hlaupinu í dag. Gunnar Páll Jóakimsson þjálfari hennar skýrði mbl.is frá því að lögð hefði verið fram kæra en sagði þá að vonin um að dæmt yrði Anítu í hag væri afar veik.

Það er því endanlega ljóst að Aníta hefur lokið keppni í Sopot en tími hennar í hlaupinu, 2:01,03 mínútur, hefði verið bæði Íslandsmet fullorðinna og jöfnun á heimsmeti unglinga, og hefði tryggt henni sæti í úrslitahlaupi þeirra sex bestu um heimsmeistaratitilinn á sunnudaginn.

Tengdar fréttir

Aníta Hinriksdóttir

Aníta tveimur sekúndum frá Íslandsmetinu

• „Þú segir mér stórfréttir“
• Taldar sleppa keppnum við Anítu vegna lyfjaprófa
• Aníta komin í úrslit á EM U19 ára
• Þjálfari Anítu: Verulega stór áfangi

» Fleiri tengdar fréttir

• Blogga um frétt