Sautján ár eru liðin síðan að Ísland eignaðist síðast verðlaunahafa á Evrópumeistaramóti innanhúss í frjálsum íþróttum og eftir að Aníta Hinriksdóttir hafnaði í 5. sæti í 800 metra hlaupi á EM í Prag í dag er ljóst að biðin lengist enn frekar.

Það var stangarstökkskonan Vala Flosadóttir sem síðast landaði verðlaunum á EM innanhúss en hún fékk brons árið 1998. Hún er jafnframt önnur af tveimur Íslendingum sem fengið hafa gull á EM innanhúss en hún fékk gull í Stokkhólmi árið 1996, þá nýorðin 18 ára. Hreinn Halldórsson fékk einnig gull í kúluvarpi í San Sebastian á Spáni árið 1977.

Íslendingar hafa samtals hlotið verðlaun á EM innanhúss fimm sinnum. Auk ofangreindra verðlaunahafa  fékk Pétur Guðmundsson brons í kúluvarpi í París árið 1994, og Jón Arnar Magnússon brons í sjöþraut í Stokkhólmi 1996.

Tengdar fréttir

Aníta á EM í Prag

Sýnir hvert Aníta er komin

• Aníta í 5. sæti á EM
• „Getum verið rosalega stolt“
• Kæran bar árangur - Þessar mæta Anítu
• Kæra þá sem ýtti við Anítu

» Fleiri tengdar fréttir

• Blogga um frétt