Björn Róbert Sigurðarson hefur gefið flestar stoðsendingar í fyrstu tveimur umferðunum í A-riðli 2. deildar heimsmeistaramótsins í íshokkí sem fram fer í Skautahöllinni í Laugardal.
Björn hefur gefið fjórar stoðsendingar í fyrstu tveimur leikjum og slíkt hið sama hefur Marko Sretovic frá Serbíu. Björn hefur auk þess skorað eitt mark.
Emil Alengård er í 8. sæti listans með tvær stoðsendingar en hann hefur auk þess skorað eitt mark. Ísland hefur skorað sjö mörk og hafa þau dreifst á milli sjö leikmanna.
Markvörðurinn Dennis Hedström er í fjórða sæti yfir bestu markvörsluna en hann hefur fengið á sig fimm mörk og er með 90,74% markvörslu.
Jónas Breki Magnússon er í öðru sæti yfir þá leikmenn sem oftast hafa fengið brottvísanir. Jónas Breki hefur verið út af í refsingu í 18 mínútur en í eitt skipti fékk hann 10 mínútna dóm.