Íþróttir | mbl | 17.10.2015 | 14:42

Guðmundur Helgi í stjórn CEV

Guðmundur Helgi Þosteinsson var kjörinn í stjórn CEV í dag. Ljósmynd / bli.is

Guðmundur Helgi Þorsteinsson kjörinn í stjórn Evrópu blaksambandsins næstu 4 árin. Í framboði voru 23 einstaklingar í 16 stjórnarsæti. Þing evrópska blaksambandsins, CEV, fór fram í Sofiu, höfuðborg Búlgaríu um helgina.

Guðmundur Helgi á að baki langan og víðtækan feril í blakhreyfingunni, bæði hérlendis og erlendis.

Guðmundur Helgi á að baki fjölda bikarmeistara- Íslandsmeistaratitla með ÍS, en hann var framkvæmdastjóri BLÍ á árunum 1989-1992 og aftur frá 1995 til 2002 og sat m.a. í stjórn BLÍ um tíma.

Guðmundur Helgi starfaði hjá Alþjóða blaksambandinu frá árinu 2002 og var framkvæmdastjóri Tækni- og þróunarsviðs hjá sambandinu til mars 2015. Guðmundur Helgi hefur verið búsettur í Sviss síðan árið 2003, en hefur nú flutt aftur heim til Íslands.

Þetta er í fyrsta sinn sem Íslendingur er kosinn í stjórn Evrópu blaksambandsins (CEV) og er gríðarlega jákvætt fyrir Blaksamband Íslands að eiga mann á hæsta stalli innan Evrópu.