Kvennalandsliðið í blaki endaði í 4. sæti á Smáþjóðaleikunum í San Marínó eftir mikla baráttu um bronsverðlaunin.
Ísland vann San Marínó, Liechtenstein og Mónakó en tapaði fyrir Lúxemborg og Kýpur. Tveir síðustu leikirnir í gær og í dag fóru í oddahrinur. Leikurinn gegn Lúxemborg í gær tapaðist en leikurinn í dag gegn Liechtenstein vannst.
Í meðfylgjandi myndskeiði sést Hjördís Eiríksdóttir skora síðasta stig leiksins í dag og tryggja þar með sigurinn. Horfur voru á að það myndi tryggja bronsverðlaun en ekki varð af því eftir að San Marínó vann Kýpur 3:2 í lokaleiknum.