„Ég vil ekki halda of lengi utan um þig, þá verð ég graður,“ sagði þjálf­ari Hólm­fríðar Magnús­dótt­ir sem þjálfaði hana í Nor­egi sum­arið 2015. Hólm­fríður er ein 62 íþrótta­kvenna sem birta frá­sagn­ir af kyn­bund­inni mis­mun­un, kyn­ferðis­legri áreitni og kyn­ferðis­legu of­beldi.

Hólm­fríður gaf leyfi fyr­ir því að nafn henn­ar fylgdi frá­sögn­inni.

Hún seg­ir að þjálf­ar­inn hafi þjálfað mörg lið og hafi verið þekkt­ur. Hann byrjaði snemma að taka Hólm­fríði fyr­ir og bannaði henni að fara heim í landsliðsverk­efni að vori, því hún gæti verið meira úti og hitt hann. Þá endaði hann á því að faðma hana en sagðist ekki geta það of lengi, þá yrði hann of graður.

Þjálf­ar­inn lagði hana í einelti og öskraði á hana

Í fram­haldi af þessu hringdi þjálf­ar­inn mikið í Hólm­fríði og sendi henni skila­boð á hverj­um ein­asta degi. „Tíma­bilið leið og hann lagði mig í einelti á æf­ing­um, hótaði að reka mig heim af æf­ingu og naut þess að öskra á mig á hverri æf­ingu og inni í klefa fyr­ir fram­an allt liðið. Svo á milli æf­inga var hann hringj­andi og send­andi skila­boð sem endaði með því að ég svaraði oft og eig­in­lega alltaf rétt fyr­ir æf­ingu svo hann myndi ekki ganga á mig,“ skrif­ar Hólm­fríður.

Hólm­fríður í bar­áttu um bolt­ann í leik gegn Aust­ur­ríki á EM í sum­ar. AFP

Eft­ir úti­leik send­ir þjálf­ar­inn henni skila­boð og biður hana að kaupa handa sér ba­byol­íu. Þegar Hólm­fríður kem­ur heim þá æðir hann inn til henn­ar. „Spyr hvort ég sé með ol­í­una og hvort ég vilji koma aðeins inn í her­bergi. Ég fór gjör­sam­lega í panikk, fékk sting í hjartað og sagði að ég hefði ekki keypt neina olíu, ég sagði að ég væri að fara yfir til stelpn­anna í liðinu sem áttu heima í næsta húsi við mig um leið og ég væri búin að borða,“ skrif­ar Hólm­fríður.

Seg­ist vera með hann beinstíf­an í sóf­an­um

Hann hélt áfram að ryðjast inn til henn­ar og fór að senda henni mjög óviðeig­andi mynd­ir og mynd­bönd af sjálf­um sér. Eitt skiptið hring­ir hann í hana á föstu­degi og spyr hvað hún sé að gera. 

„Eft­ir sím­talið byrj­ar hann að senda hvort ég vilji hann og hann sé með hann beinstíf­an í sóf­an­um, bara hvort ég gæti kíkt aðeins áður en ég fer. Ég svaraði ekki og hann hélt áfram að senda alla helg­ina en ég svaraði engu fyrr en á þriðju­dags­morgni rétt fyr­ir æf­ingu, og mætti svo með mik­inn kvíða á æf­ingu. Ég þorði ekki að tjá mig við neinn í liðinu eða kring­um liðið, hann hafði ein­hvern veg­inn stjórn á mér all­an sól­ar­hring­inn og var ógeðsleg­ur við mig á æf­ing­um.“

Hólm­fríður seg­ist vera mjög reynd­ur leikmaður en það kom fyr­ir að hún grét á æf­ing­um, í hálfleik og eft­ir leiki.

Hólm­fríður var val­in besti sókn­ar­maður norsku úr­vals­deild­ar­inn­ar í knatt­spyrnu tíma­bilið sem þjálf­ar­inn of­sótti hana. Ljós­mynd/​Avalds­nes.no

Hólm­fríður fór að taka upp öll sím­töl frá hon­um og sendi stjórn fé­lags­ins all­ar upp­tök­ur, sms og allt. Hún fór upp í sum­ar­hús og var þar yfir helgi. Þjálf­ar­inn hringdi margoft og lofaði öllu fögru en var rek­inn þriðju­dag­inn eft­ir það. Um­rædd­ur þjálf­ari hafði áður þjálfað 17 lið og aldrei enst leng­ur hjá hverju liði en í eitt og hálft ár.

Óttaðist að sjá hann

Hólm­fríður reyndi að rifta samn­ingi sín­um við liðið því hún gat ekki hugsað sér að búa leng­ur í Nor­egi. „Því ég myndi ekki geta mætt hon­um og vildi aldrei í líf­inu sjá þenn­an mann aft­ur. Tíma­bilið mitt 2016 var skrítið því alltaf þegar ég var á flug­vell­in­um í Osló eða að keppa var ég alltaf hrædd og fór í panikk.“

Þjálf­ar­inn lýsti síðan fyrsta leik Íslands á Evr­ópu­mót­inu í Hollandi í sum­ar. Hólm­fríður náði ekki að leiða þetta hjá sér og leitaði að hon­um uppi í stúku fyr­ir ann­an leik­inn. „Við vor­um að fara yfir klipp­ur af and­stæðingi okk­ar, hann var lýsa á einni klipp­unni og rödd­in hans var nóg til þess að ég missti ein­beitn­ing­una og fór að hugsa al­veg til baka til 2015. Þá fattaði ég sjálf hvað þetta sat og sit­ur enn djúpt inni í mér.“

Gekk á vegg eft­ir að þjálf­ar­inn var rek­inn

Hólm­fríður fékk mikið spennu­fall eft­ir að þjálf­ar­inn var rek­inn og gekk á vegg. „Ég náði ekki að hugsa nógu vel um mig með mataræði og hætti nán­ast að borða. Viku eft­ir að hann var rek­inn meidd­ist ég og var frá í sex vik­ur. Ég veit að þau meiðsli komu út af and­legu álagi og streitu. Eitt sem ég get sagt er að maður á að segja strax frá þegar hlut­irn­ir eru ekki í lagi og standa með sjálf­um sér.“

Tengd­ar frétt­ir

MeT­oo - #Ég líka

Wein­stein greind­ist með krabba­mein

• Garth Brooks sakaður um nauðgun
• Wein­stein mætti í dómssal á ný
• Réttað aft­ur yfir Wein­stein í nóv­em­ber
• MeT­oo-aðgerðasinni í fimm ára fang­elsi

» Fleiri tengd­ar frétt­ir

• Blogga um frétt