Ekki er sennilegt að íslenskir íþróttaáhugamenn kveiki á nafninu Eddie Eagan. Sá á þó sérstakan sess í íþróttasögunni en Eagan er eini íþróttamaðurinn sem afrekað hefur að vinna til gullverðlauna í ólíkum greinum á bæði sumar- og vetrarleikum Ólympíuleikanna.
Er það merkilegt afrek og ekki verður sagt að íþróttagreinarnar tvær sem um ræðir séu sérstaklega líkar: hnefaleikar og keppni á bobsleða. Tólf ár liðu á milli þess sem gullverðlaunin voru hengd um háls hans.
Eddie Eagan var Bandaríkjamaður og fæddist í Denver í Coloradoríki hinn 26. apríl árið 1897. Eagan varð snemma hæfileikaríkur hnefaleikari og rúmlega tvítugur hafði hann unnið titla bæði í Bandaríkjunum og í Bretlandi. Síðar var um það fjallað að Eagan hefði með frammistöðu sinni breytt ásýnd hnefaleika áhugamanna á Bretlandseyjum.
Eagan var 23 ára gamall þegar hann nældi í gullverðlaun á Ólympíuleikunum í Antwerpen í Belgíu árið 1920. Þar keppti hann í léttþungavigt (ATH) og fór heim með gullið.
Sjá umfjöllun um Eagan í heild í íþróttablaði Morgunblaðsins í dag.