„Var minn síðasti leikur fyrir SR“

Robbie Sig­urðsson er klár­lega einn besti ís­hok­kí­leikmaður sem Ísland hef­ur átt en hann er að yf­ir­gefa SR og Hertz-deild­ina í ís­hokkí. Mun hann flytja á heima­slóðir í Banda­ríkj­un­um og hefja nýj­an fer­il eft­ir að hafa spilað nokk­ur tíma­bil á Íslandi, bæði með SR og Esju.

Robbie þurfti að sjá á eft­ir enn ein­um Íslands­meist­ara­titl­in­um til SA í dag en SA vann SR 4:1 á Ak­ur­eyri og kláraði það með ein­vígi liðanna um titil­inn.

Hvað seg­ir þú Robbie. Hvernig lít­ur þessu úr­slita­keppni við þér?

„Þótt SA hafi unnið alla þrjá leik­ina í ein­víg­inu þá var þetta miklu jafn­ara en það lít­ur út fyr­ir. SA vann tvo fyrstu leik­ina 3:2, þann fyrri í fram­leng­ingu og í dag var leik­ur­inn frek­ar jafn. Þeir bara nýttu sína sénsa bet­ur og því fór sem fór. Þannig var það í raun í allri serí­unni. Við feng­um alltaf okk­ar færi en því miður hefðum við þurft fleiri mörk. Við hefðum þurft að mæta enn grimm­ari í þenn­an þriðja leik. Við vor­um of mikið í refsi­box­inu og það varð okk­ur erfitt.“

Þú fórst ekki tóm­hent­ur frá svell­inu í dag. Þú varst verðlaunaður fyr­ir að vera stiga­hæsti leikmaður deild­ar­keppn­inn­ar.

„Það kannski ylj­ar eitt­hvað smá en í dag var bara mark­miðið að vinna leik­inn og það tókst ekki. Við vild­um vinna stærri verðlaun og kom­ast alla leið í þess­ari úr­slita­keppni, svo ein­falt er það. Þetta var því miður minn síðasti leik­ur fyr­ir SR. Ég hef ákveðið að taka næsta skref á ferl­in­um og færa mig yfir til Banda­ríkj­anna og spila þar. Ég varð al­veg heillaður af Íslandi þegar ég kom hingað til að spila og hér hef ég eign­ast marga góða vini. Árin hafa verið frá­bær en nú verð ég hins veg­ar að taka næsta skref til að verða enn betri.“

Þú munt vænt­an­lega halda áfram að spila með ís­lenska landsliðinu.

„Al­gjör­lega. Ég vil spila með landsliðinu eins lengi og ég kemst í það, helst þar til ég verð fer­tug­ur“ sagði Robbie en mik­ill sjón­ar­svipt­ir verður af hon­um fyr­ir Hertz-deild­ina.

• Blogga um frétt