Anton Sveinn undir HM lágmarki

Sundmaðurinn Anton Sveinn McKee er búinn að tryggja sér þátttökurétt á HM í Gwangju í Suður-Kóreu í lok júní í 100 metra bringusundi. 

Anton hafnaði í fimmta sæti í undanúrslitum á TYR Pro Swim Series-mótinu í Blommington í Indiana í Bandaríkjunum í dag og tryggði sér sæti í úrslitum. Hann synti á 1:01,46 mínútu, sem er undir lágmarkinu fyrir HM. 

Úrslitin í sundinu fara fram í kvöld. Anton er einnig á meðal þátttakenda í 50 og 200 metra bringusundi. Ant­on snúið sér nán­ast al­farið að bring­u­sundi upp á síðkastið og stend­ur best að vígi í 200 metr­un­um. 

Hann mun í lok mánaðar­ins keppa fyr­ir Íslands hönd á Smáþjóðal­eik­un­um sem haldn­ir verða í Svart­fjalla­landi. Ant­on Sveinn hef­ur verið við æf­ing­ar í Banda­ríkj­un­um þar sem hann býr og starfar.

• Blogga um frétt