Viðurkennir að hafa myndað Englendingana

Lára Clausen, önn­ur tveggja ís­lenskra kvenna sem heim­sóttu ensku landsliðsmenn­ina Phil Fod­en og Ma­son Greenwood á hót­el þar sem enska liðið dvaldi í gær, hef­ur viður­kennt að hafa tekið upp mynd­band af leik­mönn­un­um. 

Nadía Sif Lín­dal Gunn­ars­dótt­ir, vin­kona Láru sem fór með henni á hót­elið, sagðist fyrr í kvöld ekki hafa lekið mynd­efni af sam­skipt­um sín­um við leik­menn­ina til fjöl­miðla. 

Frétt af mbl.is

Seg­ist ekki hafa lekið neinu til fjöl­miðla

Fod­en og Ma­son gerðust sek­ir um brot á ís­lensk­um sótt­varn­a­regl­um með heim­sókn Nadíu og Láru. Voru þeir báðir sektaðir um 250.000 krón­ur auk þess sem þeir voru send­ir heim til Eng­lands og spila því ekki með enska landsliðinu í leik liðsins gegn Dan­mörku á þriðju­dag. Enska liðið vann 1:0-sig­ur á ís­lenska landsliðinu í Þjóðadeild UEFA á laug­ar­dag, en leik­ur­inn var fyrsti A-landsliðsleik­ur bæði Fod­ens og Greenwoods. 

Vakti meiri at­hygli en hún hefði getað ímyndað sér

Lára tjáði sig um málið á in­sta­gram­reikn­ingi sín­um í kvöld. Hún seg­ir að málið hafi vakið meiri at­hygli en hún hefði getað ímyndað sér. Hún viður­kenn­ir að hafa tekið leik­menn­ina upp og seg­ir það hafa verið mis­tök og hugs­un­ar­leysi. Hún seg­ist ekki hafa gert sér grein fyr­ir því hve fræg­ir fót­bolta­menn­irn­ir eru þar sem hún fylg­ist ekki með íþrótt­inni. 

Hún seg­ist ekki hafa bú­ist við því að mynd­efn­inu sem hún deildi með nán­um vin­um sín­um yrði lekið til fjöl­miðla. Hún seg­ist geta lofað fylgj­end­um sín­um að ef hún hefði vitað bet­ur hefði hún ekki hitt leik­menn­ina. Þá seg­ist hún ekki hafa vitað að Fod­en ætti kær­ustu og barn. 

• Blogga um frétt