Ekkert því til fyrirstöðu að klára mótið

„Það er ekk­ert því til fyr­ir­stöðu að halda áfram með mótið. Við Run­ólf­ur erum sam­mála þar þó að ég sé ekki sér­fræðing­ur á þessu sviði,“ seg­ir Jón­as Krist­ins­son, fram­kvæmda­stjóri KR. Vís­ar hann í máli sínu til um­mæla Run­ólfs Pálma­son­ar, yf­ir­manns á Covid-göngu­deild Land­spít­ala. 

Frétt af mbl.is

Knatt­spyrn­an geti haldið áfram

Sagði Run­ólf­ur að hægt sé að spila knatt­spyrnu hér á landi gegn því að farið sé eft­ir ströng­um sótt­varn­a­regl­um. Jón­as seg­ist taka und­ir um­mæli Run­ólfs. „Það hef­ur ekk­ert smit greinst á knatt­spyrnu­vell­in­um og ekk­ert hópsmit komið upp. Miðað við þær for­send­ur er ekk­ert því til fyr­ir­stöðu að halda áfram að spila knatt­spyrnu.“

Spilað í flest­um lönd­um heims­ins

Þórólf­ur Guðna­son, sótt­varn­arækn­ir, greindi frá því í morg­un að til skoðunar væri að herða aðgerðir inn­an­lands. Ekk­ert var gefið upp um í hverju það felst. Jón­as seg­ir að ljóst sé að fara verði eft­ir sótt­varn­a­regl­um. Hins veg­ar eigi þær ekki að koma í veg fyr­ir knatt­spyrnuiðkun ut­an­dyra. 

„Við höf­um þurft að und­ir­gang­ast ým­is­legt til að geta klárað leiki í Evr­ópu­keppni. Ég held að Ísland sé eitt fjög­urra ríkja þar sem knatt­spyrna er ekki leyfð. Alls staðar ann­ars staðar er verið að spila. Það er vilji hjá öll­um til að halda áfram. Það er bara spurn­ing hversu liðleg stjórn­völd eru í því að horfa á stöðuna eins og hún er.“

• Blogga um frétt