Ólympíumeistari missir af HM

Sofia Goggia, ólympíumeistari í bruni, verður ekki á meðal keppenda þegar heimsmeistaramótið í alpagreinum fer fram síðar í mánuðinum. 

HM verður haldið á Ítalíu og hin ítalska Goggia missir því af tækifæri til að keppa á stórmóti á heimaslóðum. 

Goggia er 28 ára gömul og ljóst að hún hefði verið langsigurstranglegust í brunkeppninni því hún hefur unnið fjögur mót í röð í bruni í heimsbikarnum. Nú opnast möguleiki fyrir aðrar til að næla í heimsmeistaratitilinn. 

Goggia er á sjúkralistanum en hún varð nýlega fyrir hnémeiðslum. Eftir að hafa farið í myndatöku vegna meiðslanna gaf ítalska skíðasambandið út að tímabilinu væri lokið hjá Goggia. 

• Blogga um frétt