Hjörvar landaði sigri í óhefðbundinni skák

Hjörvar Steinn Grétarsson vann Hannes Hlífar Stefánsson á sannfærandi hátt í fyrri kappskák þeirra í Íslandsbikarnum sem fram fór í dag. Hjörvar hafði svart og beitti Najdorf-afbrigði Sikileyjarvarnar. Skákin tefldist á frekar óhefðbundin hátt og gat Hjörvar drepið “eitraða peðið” á b2 í fremur hagstæðri útgáfu.

Þetta kemur fram í tilkynningu frá Skáksambandi Íslands.

Hjörvar fékk fljótlega töluvert betri stöðu sem dugði til góðs og sannfærandi sigur í aðeins 25 leikjum þar sem Hannesi voru nokkuð mislagðar hendur en að sama skapi var skákin óaðfinnanlega tefld að hálfu Hjörvars.

Frétt af mbl.is

Hjörvar og Hannes tefla til úrslita

Hjörvar er afar í góðri stöðu fyrir síðari skákina á morgun þar sem Hannes þarf að nauðsynlega að vinna svörtu til að jafna metin og tryggja það að teflt verði til þrautar með skemmri umhugsunartíma.

Síðari skákin verður tefld á morgun og hefst klukkan 14. Björn Ívar Karlsson og Ingvar Þór Jóhannesson verða með skákskýringar sem hefjast um kl. 15 á skak.is. Þar má jafnframt finna alla tengla á beinar útstendingar.

• Blogga um frétt