Enn eitt Íslandsmetið hjá Baldvini
Setja bókamerki
Hlauparinn efnilegi Baldvin Þór Magnússon hélt áfram að slá Íslandsmet í kvöld, laugardagskvöld, þegar hann bætti 39 ára gamalt Íslandsmet Jóns Diðrikssonar í 1.500 metra hlaupi á háskólamóti í Richmond í Kentucky-ríki í Bandaríkjunum. Frá þessu er greint á Facebook-síðu Frjálsíþróttasambands Íslands.
Baldvin hljóp á 3:40,74 mínútum en met Jóns, sem hann setti í Þýskalandi vorið 1982, var 3:41,65 mínútur. Þetta er jafnframt aldursflokkamet í 20-22 ára flokki, sem og lágmark fyrir Evrópumót yngri en 23 ára í sumar en þar hefur Baldvin einnig náð lágmarkinu í 5.000 metra hlaupi.
Baldvin hefur heldur betur látið að sér kveða á háskólamótum að undanförnu. Hann stórbætti Íslandsmetið í 5.000 metra hlaupi 25. mars og skömmu áður Íslandsmetið í 3.000 metra hlaupi innanhúss. Hann keppir fyrir Eastern Michigan-háskólann. Báðum metunum náði hann af Hlyni Andréssyni.
Stefnt að opnun Grindavíkurvegar um helgina
Segir næstu stjórn sitja uppi með ákvörðun Bjarna
Þingflokkarnir funda hver í sínu lagi í dag
Meintum morðingja hampað sem hetju og kyntákni
Sagðist ekki vera að „berja hana eða neitt svoleiðis“
Myndir: Vöruhús hindrar útsýni íbúa
Árásarmál á Vopnafirði: Gæsluvarðhald framlengt
Verri afkoma tefur viðræður