Það var skemmtilegt að fylgjast með leikmönnum, stuðningsmönnum og stjórnarformanni enska knattspyrnuliðsins Leicester fagna bikarsigrinum gegn Chelsea á laugardaginn en Leicester varð þar enskur bikarmeistari í fyrsta skipti.
Leicester er ekki í hópi þeirra „sex ríku“ sem hafa að mestu einokað bikar- og meistaratitlana á Englandi á seinni árum. Það hefur verið afar áhugavert að fylgjast með liðinu koma sér fyrir í einu af efstu sætum úrvalsdeildarinnar og brjóta „glerþakið“ með því að verða enskur meistari árið 2016 og enskur bikarmeistari árið 2021.
Þetta er aðeins í þriðja sinn á 26 árum sem lið sem telst ekki til þeirra „stóru“ í enska fótboltanum vinnur bikarinn. Hermann Hreiðarsson og félagar í Portsmouth unnu hann árið 2008 og svo Wigan öllum að óvörum árið 2013.
Bakvörðinn má sjá í heild sinni á íþróttasíðum Morgunblaðsins í dag.