Áhorfendum fjölgar á þriðjudaginn

Frá og með næsta þriðjudegi, 25. maí, geta fleiri áhorfendur en áður mætt á íþróttaviðburði en þá tekur gildi ný reglugerð heilbrigðisráðherra þar sem dregið verður úr samkomutakmörkunum.

Frá og með þeim degi hækkar hámarksfjöldi í hverju sóttvarnarhólfi úr 150 í 300 manns, þar sem um er að ræða áhorfendur eða gesti á „sitjandi viðburðum.“

Þar með getur áhorfendum fjölgað úr 300 í 600 þar sem um tvö sóttvarnarhólf er að ræða og úr 450 í 900 þar sem hægt er að koma við þremur sóttvarnahólfum.

• Blogga um frétt