Sá fjórði markahæsti frá upphafi

Rússinn Alexander Ovechkin er orðinn fjórði markahæsti leikmaður NHL-deildarinnar í íshokkí frá upphafi. 

Þegar Ovechkin skoraði mark númer 742 fyrir Washington Capitals gegn Columbus Blue Jackets fór hann upp fyrir Brett Hull á listanum. 

Frétt af mbl.is

Sá fimmti markahæsti frá upphafi

Ovechkin fór upp í fimmta sæti listans í fyrsta leiknum á tímabilinu í haust. Hann er á sínu sautjánda tímabili í deildinni og hefur ávallt leikið með Washington. 

Jaromir Jagr er þriðji á listanum yfir þá markahæstu með 766 mörk og Ovechkin nær honum því ekki alveg á næstunni. En Rússinn er til alls líklegur því ferill hans hefur verið magnaður. Eftir að hafa leikið 1.212 leiki í þessari erfiðu deild hefur hann skorað 742 mörk og gefið 604 stoðsendingar. 

Goðsögnin Wayne Gretzky er efstur á listanum með 894 mörk en Gretzky hefur sagt í viðtölum að hann telji Ovechkin eiga möguleika á að slá sér við. Hann sé enn það góður leikmaður og sé í sterku liði. 

• Blogga um frétt