Íþróttir | mbl | 15.12.2021 | 20:10

Nicoló og Sara Rós danspar ársins

Nicoló Barvizi og Sara Rós Jakobsdóttir urðu Norðurlandsmeistarar í Standard-dönsum á árinu. Ljósmynd/Örvar Möller

Dansparið Nicoló Barvizi og Sara Rós Jakobsdóttir úr Dansíþróttafélagi Hafnarfjarðar hafa verið kosin dansíþróttapar ársins af Dansíþróttasambandi Íslands, DSÍ. Þetta kom fram í fréttatilkynningu sem sambandið sendi frá sér í dag.

Nicolò Barbizi og Sara Rós Jakobsdóttir hafa dansað saman frá því í janúar árið 2016 en þau eru búsett í Aarhus í Danmörku.

Nicolo og Sara kepptu í janúar á Lottó Open og RIG þar sem þau sigruðu
bæði Standard-flokkinn og Latin-flokkinn í flokki fullorðina. Þau urðu svo Íslandsmeistarar
í Latin-dönsum í febrúar og tíu dönsum í mars.

Þau komust þar alla leið í úrslit á WDSF Open-dansmótinu í Plovdiv í Búlgaríu í september þar sem þau enduðu í enduðu í 6. sæti í Latin-dönsum og 5. sæti í Standard-dönsum. Þá urðu þau Norðurlandameistarar í Standard-dönsum í íþróttahúsinu við Strandgötu í Hafnarfirði í nóvember.

„Stjórn DSÍ óskar dansíþróttapari ársins 2021 sem og öllum pörum sem tilnefnd voru til hamingju með árangurinn og bjarta framtíð,“ segir í fréttatilkynningu Dansíþróttasambands Íslands.