„Næturlífið hefur aldrei heillað mig,“ sagði Úlfar Jón Andrésson, leikmaður Fjölnis og landsliðsmaður í íshokkí, í Dagmálum, frétta- og menningarlífsþætti Morgunblaðsins.

Úlfar, sem er 33 ára gamall, byrjaði að æfa íshokkí þegar hann var sex ára gamall og er í dag á meðal reyndustu landsliðsmanna Íslands frá upphafi.

Hann hefur aldrei smakkað áfengi á ævi sinni, ólíkt mörgum, og hann vill freka eyða frítíma sínum á fjöllum og um firnindi.

„Ég fór stundum með vinum mínum í bæinn þegar ég var yngri en útivistin hefur alltaf heillað mig mun meira en næturlífið,“ sagði Úlfar Jón.

„Ég hef verið mjög heppinn með vini í gegnum tíðina sem hafa einhvernvegin alltaf viljað eyða tíma með mér á fjöllum, frekar en úti á lífinu, og ég er mjög ríkur varðandi það,“ sagði Úlfar Jón.

Viðtalið við Úlfar Jón í heild sinni má nálgast með því að smella hér.

Tengdar fréttir

Dagmál

„Rússar skilja bara hnefann og valdið“

• Efast um að Trump hafi tromp á hendi
• Ræna fólki og neyða í herþjónustu
• Góðir möguleikar á að spila um verðlaun á HM
• „Ég væri frekar til í að vera úti en í þessu viðtali“

» Fleiri tengdar fréttir

• Blogga um frétt