Afturelding og Hamar eiga flesta leikmenn

Afturelding á flesta leikmenn í úrvalsliði fyrri hluta úrvalsdeildar kvenna í blaki og Hamar á flesta leikmenn í úrvalsliði úrvalsdeildar karla en liðin voru opinberuð í dag.

Sjö leikmenn eru í hvoru úrvalsliði og hjá konunum eru þrjár úr liði Aftureldingar. Gonzalo Garcia þjálfari Þróttar í Fjarðabyggð stýrir liðinu en það skipa þær Valdís Kapitola Þorvarðardóttir og Tea Andric úr KA, Thelma Dögg Grétarsdóttir, Luz Medina og María Rún Karlsdóttir úr Aftureldingu og þær Paula Miguel de Blaz og María Jimenes úr Þrótti í  Fjarðabyggð. 

Massimo Pistoia þjálfari HK, Ragnar Ingi Axelsson, Kristján Valdimarsson, Hristiyan Dimitrov og Hafsteinn Valdimarsson eru í úrvalsliði karla. Ljósmynd/BLÍ

Úrvalslið karla hefur á að skipa fimm leikmönnum Hamars frá Hveragerði en liðið er taplaust á tímabilinu. Hafsteinn Valdimarsson, Kristján Valdimarsson, Ragnar Ingi Axelsson, Wiktor Mielczarek og Damian Sapor koma allir frá Hamri en þeir Hristiyan Dimitrov úr HK og Carlos Eduardo Rangel úr Vestra eru einnig í liðinu. Massimo Pistoia þjálfari HK stýrir liðinu.

• Blogga um frétt