Íþróttamaður ársins 2021 – myndasyrpa

Samtök íþróttafréttamanna birtu í kvöld niðurstöðurnar í kjörinu á íþróttamanni ársins 2021 en kjörinu var lýst í 66. skipti, frá 1956, og fór að þessu sinni fram í sjónvarpssal hjá RÚV vegna sóttvarnaráðstafana. 

Þetta er annað árið í röð sem þannig er staðið að málum en fram að því hafði besta íþróttafólk landsins ávallt verið heiðrað frammi fyrir fullum sal af fólki og athöfnin hafði farið fram í Hörpu í Reykjavík undanfarin ár.

Ómar Ingi Magnússon handknattleiksmaður var kjörinn íþróttamaður ársins, Þórir Hergeirsson var kjörinn þjálfari ársins og kvennalandsliðið í hópfimleikum var kjörið lið ársins en niðurstöðurnar má sjá í meðfylgjandi fréttum. Þá var Einar Vilhjálmsson tekinn inn í Heiðurshöll ÍSÍ.

Mummi Lú var í sjónvarpssal sem ljósmyndari fyrir alla fjölmiðla og aðra aðila og tók meðfylgjandi myndir: